POEZIJA: ŠTEL BI TE BELEGA IMETI

Zagreb grade, ti več dugo
nisi bel kak si negda bil,
vrni se belini da bi mogel
starom Joži želju ispiniti
i na trenutak v mladost vrnuti.
Rad se Joža s golubima zabavlja
pak tiho, šapčuč, stalno ponavlja:
“Mili Bože, daj mi nogama snage
da prošečem čez vulice drage,
na staru Harmicu
kaj se nalukava na Dolac plac.
Išel bi po celem gradu,
al’ nemrem dalje,
stare tiele želje šalje;
da Zagreb bu pun sreče
naj diši kak proletno cveče!
Naj bu v letu pun turista
a vu jesen, zlatnog lista.
A za Božić naj bu srebrno bel,
takvog bi te, zanavek,
rodni grade štel!”

Ivek Milčec, (iz moje stihozbirke “Štel bi te belega meti”, 2012.)